Dang Buntu

Langsung Wak Uban tesenge.

 

“Cacam kanti alangke melawannye, ngeri nengar omongan tu, pakam nian. Mak zaman belande be kamu buat dunie ni,” simbat Wak Uban.

 

Cek Leha juge merase agak aneh dengan Wak Barab.

 

"Payo Cek, adoni kopi dengan lontong dulu, kagek urusan laen tu. Urusi dulu mamang sikok ni agek die nganar, kacau laju gawe ni,” pinta Wak Uban pada Cek Leha.

 

Setelah minum kopi dan makan lontong, rupanye tidak membuat Wak Barab diam.

 

“Kalu dang buntu ni, langguk gale mulai kanti, dulor, sanak, misan, mindo. Kapan kalu aku lagi lapang nak ngalokke gale, pecak ramah nian,” sindir Wak Barab.

 

Mang Maidi bebisek dengan Wak Uban.

 

“Pecaknye teganggu jiwe kanti kite sikok ni. Jangan-jangan pening ni gara-gara buntu, anak banyak kendak, bini berutuk, urang nageh utang,” bisik Mang Maidi.

Sumber: