Pacak Mencari Kanti

PANGKALAN BALAI, HARIANBANYUASIN.COM - Kalu lah sudah ngiringke rombonan banyak tu, rasenye mak dibasuh ati wak Barab Cs. Apelagi senyumnye ngembang mak kembang mekar setaman. Wew ye Wak.

 

Hinggenye bukan maen lincahnye Wak Barab  sikok negur, due negur, pecak artis bae pagi tadi waktu ngiring ke rombongan urang pemerentahan tu.

 

"Lapang pecaknye kanti kite sikok ni, banyak dapat lokak pagi ni, soalnye sikok manggil, due manggil, maklum banyak nian kantinye, laen dengan kite," sindir Wak Uban.

 

Tesenge bae Wak Barab.

 

"Kalu soal lapang tu dari dulu nian kanti, lapang dade. Idup di donye ni, nak banyak kanti, bukan nak mencari musoh, kalu banyak kanti banyak lokak," uji Wak Barab ngembang buntutnye.

 

Wak Uban memang ngakui. "Jela nian kanti ko, kalu hubungan kite bagus dengan urang, galak nolong urang, ramah dengan urang, urang baek pule dengan kite, apelagi tau kendak urang pasti urang senang dengan kite, solanye kite ade care," komentar Wak Uban

 

 "Idup ni gampang kanti, buatlah urangtu supaye senang terus dengan kite, jadi doanye bagus, rezeki lancar, badan sehat, karne doa urang baek untuk kite," timpal Wak Barab.

 

Sumber: