Dude Keren

PANGKALAN BALAI, HARIANBANYUSIN.COM -Zaman makniari dak pacak dipungkiri kanti, kalu betine nak belaki mileh jantan beduet, belagak, maseh mude pule. Wajar nian, siape nak diajak idup susah.

 

Ape lagi jantan ade pangkat dengan jabatan, dude keren pule, banyak nian betine naksir, baek gades, jande, sampe ke bini urang.

 

"Aku idak nyalahkenye kanti, kalu awak tu belagak, besak tinggi, maseh mude, bepangkat, banyak duet, banyak harte, pacak merayu, wajar be banyak betine kelepek-kelepek," uji Wak Uban.

 

Tersenge bae Wak Barab maklum, die merase idak belagak, idak juge sugeh,  cuma ngandalke cinta sejati tula.

 

Kalu pacak idup mati dengan bini sikok tula, kalu betingkah, pacak palang pintu melantak palak.

 

"Yang jadi persoalantu, kalu awak itam kecik, kurus, berjalan be uyung nak telabo, buntu pule, nak begaya," oceh Wak Baran.

 

"Cak kepakaman, gawe urang nak tau gale, kapan ditegur benar gale die, banyak rasan pule, kapan nengar lokak berenggut," uji Wak Barab lagi.

 

Sumber: