Jage Muncung

PANGKALAN BALAI, HARIANBANYUASIN.COM - Kalu kate urang tue dulu, jage muncong mu (mulutmu) jangan nyakiti ati urang, kalu urang saket ati, tekenang terus omongan jahat kite.

 

"Kalu lah ninggalke kejahatan dengan urang, lah susah urang nak percaye lagi," kate Wak Uban.

 

"Ape lagi kalu galak meras urang, makse urang, naku-nakuti urang, ngancam urang, itu dikenangke urang terus, akhirnye urang benci," uji Wak Uban.

 

Langsung Wak Barab ngangkat jempol.

 

"Ye nian kanti, urang ngomong kite jahat besambung mulut, dari mulut ke mulut, akhirnye banyak urang yang tau di kejahatan kite, laju urang tak percaye lagi walaupun kite berbuat baek," jawab Wak Barab.

 

Nyambung nian omongan Wak Barab.

 

"Idup ditengah masyarakat ni nak pintar kanti, karne urang pacak nilai yang mane yang baek, mane yang jahat, mane yang mencari rai," uji Wak Uban.

 

Sumber: