Barang busuk

PANGKALAN BALAI, HARIANBANYUASIN.COM - Dak lagi penasaran kalu Wak Barab nyelek dewek tempat mambu busuk di parak dusunnye, selamet uji Wak Barab maseh tande tanye. Mak mane kanti, pecaknye?

 

Wak Uban langsung betanye waktu Wak Barab balek dari mancing di parak tempat busuk yang diseleknye.

 

"Mak mane kanti barang tu, ngape sampe keciuman mambu busuk tu," uji Wak Uban.

 

Tesenyum be Wak Barab.

 

"Maklum kanti, pantaslah mambunye busuk aring  di sekitar dusun tu, barang tu telengep, katek tutupnye," uji Wak Barab sambil nak pegi mandi.

 

Bingsal laju Wak Uban ngape barang tu tebukak.

 

"Lah ye kan, pantas be tekarung gale mambu busuk di sepanjang dusun. Jangan ke barang dak betutup, yang betutup bae nguap juge," simbat Wak Uban tesenge.

 

Sumber: