Nak Belagak Bae

PANGKALAN BALAI, HARIANBANYUASIN.COM - Kadang tu macam-macam nian tingkah manusie ni, ape lagi di dunia maya pokoknye kapan tampil fotonye memceling nian, kadang tu mak artis beken. Ya cacam wak ye.

 

Kalu urangtu lah cantik, mulus, putih, kuning langsat, dak pule nak make stelan camera bagus lagi, cukup camera biasenye bae maseh belagak tula, karne memang faktor bawaan lahir.

 

Tapi kalu nurut Wak Barab wajar -wajar bae, karne blagak memang keturunan dari guguknye nian.

 

"Kalu die memang guguk urang blagak, maseh belagak tula kanti, entah kalu memang dari keturunan guguk laen aku tak tau," uji WakBarab.

 

Setuju nian Wak Uban nanggapinnye kalu soal betine. 

 

"Ape lagi keturunan pangeran dengan putri lebeh belagak lagi kanti, mak bidadari turun dari kayangan, hinge kenye tak ngerjip mate nyeleknye, kepri blagaknye," komentar Wak Uban sambil noleh ke Cek Leha jande bohay lah lame jablay.

 

Terang bae Cek Leha berseri-seri rainye mak lampu sterongkeng baru dimurupke.

 

Sumber: