Lahir Zaman Bingen

PANGKALAN BALAI, HARIANBANYUASIN.COM -Wak Barab Cs memang dak pacak nak nurut budak zaman mak ni ari, segalenye nak praktis, nak instan. Lah ye pule wak.

 

Memang budak mak niari disebut milenial sesuai nian, tiap ari beradapan dengan hanphone, jadi segale ilmu pacak dicari liwat mbah gugle, nak ape bae tinggal picit be.

 

"Tak pacak kanti nak nurut care budak makniari, kadang tu die pintar dari kite, apelagi masalah ilmu teknologi, lah banyak nian paham. Maklum budak lahir di zaman milenial," cakap Wak Barab.

 

Wak Uban juge setuju dengan omongan kantinye.

 

"Memang lah zamannye nian kanti, bukan mak kite yang lahir di zaman ubi kayu alias zaman bingen, kapan mukak hp cuma pacak nelepon, ngirim pesan, itulah galenye, ape lagi nak jadi you tober uji urang tu, jaoh nian," timpal Wal Uban.

 

Wak Barab heran nian di budak-budak ni.

 

"Kau bayangke bae, kalu dulu, nyelek bayang guru bae, bukan maen takutnye, tepakse mingger jangan sampe tau. Tapi kalu mak niari gayanye manggil guru 'Hallo Bro," kapan salaman nempelke tangan di Pipi, dengan di kening," uji wak Barab.

 

Sumber: