Tak Begaya Lagi

Pecaknye Wak Barab dengan Wak Uban idak lagi terpengaruh glamornye  dunie, dak lagi nak begaya pecak budak mude mak ni ari, karne sudah liwat umor. 

 

"Ngape kanti, kau tak banyak gaya lagi, mak budak mude mak niari. Cube kalu kau begaya, pasti dikateke urang lebih mude lagi, kau kan asli pacak begaya ape be," tanye Wak Uban.

 

Wak Barab cuma tetawe be.

 

"Lah kuliwati gale kanti gawe mak budak mude tu. Tapi care budak mude mek ni ari cuma gaya be besak," kata Wak Barab.

 

"Kapan ngudut batangan, berutang pule, kapan ngajak cewek bejalan mintak traktir, cube kau bayangke," jawab Wak Barab.

 

Ngangguk-nganguk mak burong terkuku be Wak Uban.

 

"Ila nian Kanti ken, laen dengan tubo dulu, kapan lah tamat SMA, beligat hinggenye mencari gawe, idak tejonong-jonong mak urang ilang akal," uji Wak Uban.

 

Sumber: