HARIANBANYUASIN.COM - Gawat nian gawe urang due bekanti ni, gara-gara suare kuat laju nak bececo betengkar terus, karne saling tesinggung suara besak, tapi batas itulah, sudah tu akor lagi.
"Payo kanti adeng- adeng be kalu berutuktu, tak mada'i didengar urang sekampung keprinye, padahal kite begesa cuma urang due," uji Wak Barab negur Wak Uban.
Rase tesinggung Wak Uban. "Salah galenye pecaknye aku ni kau buat, ngomong kuat salah, ngomong adeng banyaklah tak tedengar," simbat Wak Uban teberngut tebecatut.
BACA JUGA:Rai Serem
BACA JUGA:Cak Kepakaman
Laju tesenge Wak Barab. "Pikir atiku, kiteni same be kanti blingeran gale, kuping mak koping guci, mulut mak belange, tapi penengaran mak ubur-ubur," tangkis Wak Barab dalam ati sambel tesenyum.
Tak setuju Wak Uban. "Kiteni same be kanti, umor same, rambut same warne, gigi same rompong, tenaga same loyo, kau pacak ngateke urang bae," marah Wak Uban.
Laju tak banyak reti lagi Wak Barab. "Oh iye kanti, kuping kiteni lah mulai kene masalah juge, cuma idak parah, maseh pacak nengar urang bececo, tapi kalu mate maseh agak pasat, apelagi nyelek duet abang, teciren nian," kelakar Wak Barab.
BACA JUGA:Kongkong Juri Makan Sambal Pirek
BACA JUGA:Tak Kwawe lagi
Baru Wak Ubang agak tesenge. "Tak pacak dipungkiri kanti, kalu lah tue, segale gawe lemak bekurang, untung bae mase pacak makan nasi, ngudut Gp, jangan be nak nambah lagi, sikok be lah tekepor," uji Wak Uban.
Laju cene Wak Barab. "Amon aku nak nambah lagi kanti, tapi nambah engonan ayam, jangan salah reti, agek uji mu ayam kampus, tapi ayam umbaran, die mecari makan dewek, cuma sesekali diukuri makanan," gaya Wak Barab mentang - mentang ternak ayam KUB. (Mang Mukri)