HARIANBANYUASIN.COM - Mak niari rame nian di media sosial urang ngate'i juri dengan MC acara lomba cerdas cermat (LCC) di Kalimantan. Katek komentar yang lurus, miring gale, segale name binatang di kebon binatang disebutnye gale.
"Lah berape ari ni siru berita dimedia sosial ngateke juri dengan MC tak adil, banyak ngeluarke kate-kate tak bagus, gara-gara jadi juri berat sebelah, bagak pule," uji Wak Barab.
Laju Wak Uban ngkat leher nak milok komen juge. "Nah kau lebar sekalitu, ecak - ecak bijaksana, padahal merugike urang. Jawaban urang benar dikurangi nilai 5, ngomong soal artikulasi pule, awak lah salah," simbat Wak Uban cengengesan.
BACA JUGA:Tak Kwawe lagi
BACA JUGA:Sambal Petai
Setuju nian Wak Barab. "Kite akui, bahwe juri dak boleh diganggu gugat, tapi kalu juri bola kaki, kalu juri LCC merugike urang pantas nak dihujat, karne korbannye merase terzolimi," komen Wak Barab.
Biaselah Wak Uban. "Amon aku nyeleknye, tim juri tu linglung, matenye melek, kupingnye kantok, mulutnye tecicip di sambal caluk kebanyaan uya, laju kemasinan, untung sambal dingin, bangse panas, doer biber," kate Wak Uban.
"Kongkon balek be kanti juri tu, ajak makan laok rebung asam, supaye die tau gulai rebung asam lebeh lemak dari jadi juri LCC, atau ajak makan sambal pirek, supaye die paham, bahwe dihujat urangtu lebih pedas dari sambal pirek," sindir Wak Barab.