HARIANBANYUASIN.COM - Pecanye Wak Barab Cs mulai tetarik dengan usaha ternak ayam kampung, karne dianggap mudah dan gampang, ape lagi memang die hobi beingonan.
"Beternak ayam kampung tu menjanjikan kanti, anggap bae tabungan, kapan agak buntu dikit jual cak due atau tiga, pacak laitu ngudut rokok Gp," ancak Wak Baran dia aminke wak Ubar.
Setuju nian Wak Uban. "Aku baru molan kanti nak beternak, tapi akuni tak pacak beengonan ape lagi miare ayam, banyak dikit ayamnye mati, uji urang kene penyakit kolor kau," tanggap Wak Uban.
BACA JUGA: Jaman bingen
BACA JUGA:Harte Warisan
Tetawe Wak Barab. "Sebenarnye kau tu memang tak cocok beengonan, karne bukan jiwe mu, cocok kautu wara-wiri ngukor jalan, ade lokak bediam, kapan buntuh ngoceh, itulah watak mu," uji Wak Barab.
Merengut Wak Uban laju. "Sebenarnye angon kanti kalu wara wiri ngukor jalan, skalian ngukur banyaknye aek di laut baru pakam, dasar be kau ni nak gile," uji Wak Uban sambil berutuk.
Wak Barab cuma tesilum nyelek Wak Uban berutuk. "Memang takkaop nian kanti, kalu lah tue ni tak katek katek piarean, karne ngedem be di rumah, lokak katek, mulut masam, nak berasan malu, makenye cari usaha idak banyak makan tenaga," simbat Wak Barab.
BACA JUGA:Teirup Dicuke Pempek
BACA JUGA:Tepeci ke Naseb Sial
Tesenge Wak Uban. "Aku tu ade piarean sikok di rumah, awaknye bonok, kapan bejalan nuluke perut, betis mak betis keseblasan, rai masam, kapan salah dikit nak berutuk, kapan tidok ngorok teliur pule, apak keprinye mambu bantak dientak liur basi," kelakar Wak Uban.
Laju urung Wak Barab nak marah. "Kau jangan macam-macam kanti, agek aku laporke di binimu, abes awak mu dicakarnye, tau lawek kau, singa betine, kapan ngamuk sehabitat tau gale," sindir Wak Uban.