Umor tue memang sudah harus punye adan kanti, tak kade selamenye berharap dapat lokak dari urang, jangan ke kite ngajak masang iklan, ngajak makan siang bae die takut agek die tekajul.
Tesenge Wak Uban. "Lah iye kanti, janganke nak merek lokak, untuk lokak die dewek be urang berije, makenye segale akan dibuat-buat untuk mencari buke puase," uji Wak Barab
"Amon aku kanti, nurut-nurut urang be, urang bekebon sawit kite ngiring, urang dapat banyak kite dapat dikit jadilah yang penting halal, pacak meli rokok Gp, meli beras untuk ngejeke kamek bedue dengan bini," sambung Wak Barab
BACA JUGA:Tesenggol Sarang Tabuan
BACA JUGA:Ngarapke Gajian dari Fb Pro
"Memang tekanjat kanti pertame kali bekebon sawit, besak modalnye, besak perawatannye, tapi beguyur be ngape urang pacak kite idak," uji Wak Uban
"Bingung juge Wak, buah perdana usia 2 tahun ape nak dikastrasi/dibuang ape idak, nak dibuang sayang, karne lah ade yang masak. Kalu uji kantiku, biar kelah jadike duet baelah, dari pade mubazir," uji Wak Barab.
Bini Wak Barab tesenge nengar bakal jadi duet tu. "Mribakkenye oy, jangan nengar ke kate urang, jadi ke duet bae kagek tu pacak belanje di kalangan Ari Saptu, jadilah untuk nambah belanje bukean," Uji Bini Wak Barab.
BACA JUGA:Tak Pacak Makan Lemak
BACA JUGA:Teminum Dikopi Masin
Merengut Wak Barab nengar omongan Bininye. "Urung benar nak meli rokok Gp, kalu Suhu (Ras tekuat di dunia) lah ngomong nak belanje sayur, tepakse nurut be, dari pade kagek piring terbang kemelontang suarenye di dapur," timpal Wak Barab.