Kalau rezeki memang tak disangke kanti, baru nak tekelap tiduk siang, ade urang ngedur lawang, kupikir ndak minjam duet, E tau-tau urang nak ngantarke duet.
"Kando aku bae morong petai kamu sebatang harge Rp 1,5 juta. Petai kamu tu ade due batang lebat-lebat nian, aku burong gale Wak," uji budak tu.
Tesenge Wak Barab. "Lantak kela jang, yang penting sen, pacak meli pupok. Ape lagi Wak dang perlu duet makni ari, tapi idak lupe maseh juge meli Gp 5 bungkus," uji Bini Wak Barab.
BACA JUGA:Pengurus MGMP PAI SMA Banyuasin Resmi Berganti, Siap Hadapi Tantangan Pembelajaran Digital
BACA JUGA:Dorong Kebijakan Ramah Perempuan, Pemkab Banyuasin Gelar Bimtek PUG
Nengar duet bejuta-juta tadi, teliur benar dan langsung panjang melenggak leher Bini Wak Barab, sambil nyambar deut diatas meja, idak lagi merengut tebecatut, kapan lah nyelek duet abang dengan duet ijo didepan rai.
"Itulah kanti, kalu betine nyelek duet teluyau tak kuat imannye, langsung nyambar, tebuang kopi budak tu laju, tesenggol tangan Wak Una mu," uji Wak Barab
"Kalu kopi pacak mbuatnye lagi, tapi kalu duet katek kite cetakannye, laen dengan kue satu banyak cetakannye di kalangan mileh bae," uji Wak Unah langsung ngitung duet.