Wak Barab langsung nimpal omongan Wak Uban. "Namenye balak, maut, rezeki, jodoh tu tak bemerek, kalu bemerek namnye makanan, motor, mobil itu yang be merek. Jadi kalu nak rugi dimane be maseh nak rugi. Itulah ujian dari tuhan supaye kite sabar. Berkat sabar rezeki ditambah tuhan lebih banyak lagi," uji Wak Barab serius nian.
Langsung Wak Uban nyeleneh. "Kalu lah beduet jangan pule mentang mentang rezeki nambah laju nak nambah bini lagi, nak dikemaneke Wak Unah, karne urang dapat madu tu paling saket atinye. tapi kalu madu asli jadi ubat kanti, bukan maen sehatnya minum madu asli tu,, tapi jangan be susu asli, lah kadaluarsa agek mabok laju," kelakar Wak Uban.(*)