"Aku tu idak mintak, idak ngusulke nak dapat bantuan ke pemerintahan, tapi dipintak data oleh RT, aku berek data, kapan aku cek di aplikasi "SKS-NG" di hp dapat bantuan Sosial Rp 600.000. Lah, namenye lokak nak aku ambek," jawab Wak Uban sambel tesenge.
Langsung Wak Barab ngangkat jempol setuju nian Wak Barab.
"Itukan rejeki, jangan ditolak. Itulah gunenya ade Hp. Aku yakin mungkin urang laen tu terdaftar juge sebagai penerime bantuan tapi katek undangannye," uji Wak Barab
"Idak dicek di aplikasi Hp, jadi dak tau, karne banyak nian jenis bantuan, mulai dari BLT, BST, Sembako, dan bantuan laennye. Tapi dari pemerintah pusat," uji Wak Barab cak pintar nian nerangke macam-macam bantuan.
Langsung Wak Uban ngangguk-ngangguk mak burung terkutut.
"Oh Mak itu kanti ye. Untunglah ade anak ku yang ngerti internet. Laju tau bahwe kamek dapat bantuan dari Menteri Sosial," uji Wak Uban sambil ngacakke aplikasi HP tempat die nyelek data bantuan dari pemerentah.
Barulah Wak Barab senang ati nyelek Wak Uban tesenyum.
"Itulah kanti, kalu belum dapat jangan siru dulu, tanyeke bebenar nian, soalnye bantuan tu bukan dari dana desa bae, ade juge dari pemerintah kabupaten dengan pemerentah pusat," uji Wak Barab.