Tesenge Wak Barab karne Wak Uban ngancak motor baru.
"Nah ape lagi motor baru mak kau ni, sisip mate menang mate, jadi incaran nian. Janganke motor baru, motor lame juge dilanjakke urang," uji Wak Barab ngolake Wak Uban.
Rupenye Cek Leha milok komentar juge. "Lapang kanti sikok ni, besak juge dapat lokak kalu lah bemotor baru," simbat Wak Uban.
"Jangan bae, motor tebeli, sim tak tebuat, mati pajak pule kageknye," komentar Cek Leha sambil nyelek dan megang motor mulus Wak Uban.
Langsung ditegur Wak Uban Cek Leha.
"Ati-ati cek megang motor tu, agek lecet, maklum motor maseh nrayen. Kalu nak milok nyube motor baru, agek aku bonceng kite ke taman kota," sindir Wak Uban.
Laju Cek Leha tesinggung karne dikolake Wak Uban.
"Ai cak kepakaman pule. Janganke cuma motor, mobil bae aku tebeli. Tapi sayang, aku tak acak nyupir," uji cek Leha langsung ngegas.*