PANGKALAN BALAI, HARIANBANYUASIN.COM - Gaya nak belagak, begawe tak endak, makan nak lemak, duet nak banyak, pening Wak Barab nyelek kelakuan urang mak itu. Cacam wak ye.
Memang banyak kelakuan manusie di dalam donye ni, namenye bae manusie, tapi tabeat laen-laen. Tapi ape itu dianggap gangguan jiwe ye.
"Kalu nyelekke gaya urang memang banyak nian salah perasaan," simbat Wak Uban.
"Awak keroco nak ngaku level bupati, kepala dinas. Kapan berfoto dipajangke nian di FB supaye urang tau bahwe di bekanti dengan pejabat," uji Wak Uban.
Tesenge langsung Wak Barab sambil noleh kekantinye sebelah.
"Padahal belum tentu pejabat kenal dengan die. Tapi tak apelah kanti kekatke numpang befoto bae," uji Wak Barab.
Langsung Wak Uban nyindir. "Yang penting mejeng kanti, nak numpang ngetop befoto dengan pejabat.
Kalu nian agek nak nular jadi bupati, minimal jadi ketue RT," kelakar Wak Uban ngarap nian jadi ketua RW.