Tediam Wak Barab, tepakse milok ajakan Wak Uban.
"Aku tu tepakse be kanti becakap tadi, agek ujinye sombong. Padahal lah lame aku tu nak minggat, lah dak tahan lagi nengar omongan urang sikok tu," uji Wak Barab sambil teberengut.
Langsung marah Wak Uban. "Sumbar besak, segale pejabat kantinye gale," uji Wak Uban.
"Mak pintar dewek, kapan bebunyi sianutu kalu dak aku dak ke jadi urang. Sianu tu kalu dak kite nolongnye, tak dapat gawe. Mak die dewek yang nguasai dunie ni," rutuk Wak Uban pegel ati.
Ngakak Wak Barab tetawe. "Kapan ade kendak, tiap waktu nelpon, cekcak bae dengan urang, kapan tepeci keselanye, mulai nak berasan, dak dapat besak kecik jadilah," sindir Wak Barab.
"Dem kanti tak usah nak bekanti dengan urang tu lagi, dari pade kagek dapat balak. Kalu die nelpon iye ke bae, ngcik ke balak," pinta Wak Uban.