Langsung tesenge Wak Barab nengar omongan Wak Uban.
"Alangke pacak kantiku sikok ni, mak pak ustad omongannye. Singkat cerite, jangan banyak tingkah, urang-urang, kite-kite," uji Wak Uban.
"Nah, lah akor pule omongan kantiku. Makenye kalu nak tenang idup, begawelah rajin-rajin, jangan ngurusi gawe urang, kalu soal lokak urusan Tuhan, yang penting niatnye baek," pesan Wak Barab.
Langsung jempol due diacungke Wak Uban.
"Tapi jangan harap idup nak berubah kalu penyegan, katek usaha nak berubah care," ucap Wak Uban.
"Tapi kalu lagi mude kerja keras, banting tulang. Mudah-mudahan ke depannye sukses, lah banyak contohnye," nasehat Wak Uban.
Bukan maen pujian Wak Barab, karne Wak Uban pintar ngomong.
"Dem, aku tambah setuju di care kanti ni. Kalu dak galak buntu, cari lokak ape bae asak halal. Jangan bae lokak, haram, hantam, hak urang, diembat, nah laju masuk obak kanti, laju tambah lodak," uji Wak Barab.*