"Oi alangke malang naseb, tuhan kutulah yang tau," sindir Wak Uban, care gesa tue lah, awak same-same buntu.
Tesenge Wak Barab sambil ngitung duet receh nak mayat kopi di Cek Leha.
"Itu sebenarnye kebetulan bae kanti, maklum naseb belum beruntung. Tapi kalu badan waras, ade beras. Bekakas keras.
Tambah lagi kerja keras, aman dunie," kelakar Wak Barab.
"Nah itulah kendak aku tu kanti, akor nian, kalu nak merobah idup, memang harus begawe iklas," oceh Wak Uban.
"Ape bae gaweke, namenye lanang tu kepalak rumah tangge, itam puteh keluarga ade dengan kite," nasehat Wak Uban.
Setuju nian Wak Barab kalu kantinye lah ngenjuk nasehat.
"Tapi kalu baknye penyegan, begawe tak endak, cuma ngandalke harte urang tue, ngandalke bini, laju runyam keluarga," bunyi Wak Barab.