"Peh, langsung makan bae kite, karne ari lah siang, soalnye maseh sikok lagi undanganni," ajak Wak Barab juge.
Sudah makan langsung naek panggung nak balek masuk ke amplop dalam kotak. Langsung tekejut, Wak Barab.
"Ya cacam siape urang brewokan ni, rasenye bukan kanti kamek," pikir Wak Barab.
Lah turun dari panggung, langsung tetawe Wak Barab Cs.
"Kite ni salah undangan, bukan kanti kite, tapi urang aseng, kite dak kenal. Dem, gawat amplop lah tekajul masuk kotak," uji Wak Uban tekikikik tetawe.
Lantaran lah telanjur, laju pasrah Wak Barab.
"Dem kanti iklaske bae, biar dapat amal. Jangan disedingke nian, agek laju sial. Anggaplah sedekah," uji Wak Barab langsung tesenge.*