Cengar-cengir cengir laitu Wak Barab.
"Nemennye lanangtu same seleranye Jang. Pasti kapan teselek rai mulus, kening licin, rambut panjang. Awak semampai, teliur, uji Mang David, hahaha," kelakar Wak Barab.
Langsung nyambung Mang Sudi.
"Cacam Wak, mati melawannye. Rupenye tinggi juge selera Wak ni. Maseh sehat nian atas bawah kapan lah selera anakude tu," komentar mang Sudi.
Langsung Mang Napi manasi.
"Sudelah Jang, dak ke melawan gine Wak kau tu. Cuma besak selera be, kapan lah diladeni langsung meletot. Persis tak pisang rejemun busok, kapan ditegakke melentot, wkwkwk," sindir Mang Napi.
Lantaran tak kelema'an Wak Barab tesenge be.
"Biase be kanti jangan serius nian, agek teringat di urang rumah, laju nak ngajak balek, hahaha. Kelakar tubo kanti jangan tegang nian," simbat Wak Barab.*