"Tapi kalu lah berkeluarga harus tanggungjawab, jangan muat susah anak urang," simbat Wak Uban.
Mang Jau cuma tesenge be. "Kalu lagi bujang tu, maseh kencang gale, mencari maseh kuat, makan banyak, pikiran tenang Karne katek tanggungan," tutur Mang Jau.
Tak setuju Wak Uban, karne die maseh merase mude.
"Jangan salah kanti, kalu urang tue ni lebih pakam lagi. Pecaknye bae loyo tu, karne mude diluar tue didalam," oceh Wak Uban.
"Makenye penampilan urang tue banyak necis, kadang tu die paling senang lalap mude," tangkis Wak Uban.
Nak tetawe Wak Barab nengarnye.
"Nah ape kate kanti sikoktu benar nian. Kapan belalap jering mude, petai mude, pucuk skentut, pucuk ubi," ucap Wak Barab.
"Pokoknye segale pucuk dilanjakkenye gale, jadi maseh juge selera mude. Asak be jangan betine jande, tak kuat lalu terus-terusan," kelakar Wak Barab.*