Tesenge Wak Uban. "Kau tula adekku pacak nilainye. Ape cuma pantas jadi ketip. Ade dak kire-kire tandenye nak jadi urang besak," komentar Wak Uban.
"Tapi inilah care kite, biar buntu maseh pacak begaya," simbat Wak Uban.
Bingung Cak Nur nak nyawab omongan wak due tu.
"Pokoknye kamu bedue tu pantas gale. Nak jadi ape be, asak ade duet. Tapi kalu maseh buntu nah aku bingung dewek," uji Cak Nur.
"Kalu nyelek perawakan katek tandingan. Kalu Muhammad Ali itulah pacak ngalahke kamu bedue tu," tutur Cak Nur sambel meras pakaian.
Tak banyak bunyi lagi wak bedue tu." Ay Cak, tak akor retinye, kamek bedue ni kau kongkong jadi petinju," oceh Wak Barab.
"Stelan kamek lah belagak nian, tepakse laju nak melepasi baju beguco di atas ring tinju," ujinye lagi.
"Tapi benar juge Cak Nur tu, daripade besak bacot di atas panggung politik. Lemak jadi petinju kapan begoco urang due. Idak melibatke rakyat banyak ni, hehehe," kelakar Wak Barab.*