PANGKALAN BALAI, HARIANBANYUASIN.COM - Alang benapsu wak Barab Cs makan di Kedai Urang Balai tu siang kemarin, due kali bubo lantaknye. Cacam lemak nian pecaknye selera tu.
Naseb baek nian Wak Barab waktu ari Kemis tu, dang dudok santai, trompak ditawari makan siang.
"Payo mindo kite makan siang be," uji sanak Wak Barab sikok tu.
Jangan sekali dapat tawaran, dilanjakke langsung oleh Wak Barab.
"Bedelaw ati ku kanti, nengar mindoku ngajak makan pindang, bereje kite, langsung mintak pindang kepalak ruan. Besak pule, alangke mantapnye kanti," sumbar wak Barab dengan Wak Uban.
Hampir netes liur Wak Uban nengar pindang Palak Ruan.
"Cacam, alangke lemak idup kamu kanti, dapat makan gratis. Cube kalu tepeci ke aku, ku gohet nian," simbat Wak Uban.
"Tapi naseb tak beruntung, kanti makan palak ruan. Kite makan palak iwak masin duri di rumah. Keras pule, gigi lah oger gale, laju tambah oger," keluh Wak Uban.