PANGKALAN BALAI, HARIANBANYUASIN.COM - Kalu lah bekumpol dengan urang banyak setuju nian Wak Barab Cs, karne pacak nambah pengalaman dengan wawasan.
pelagi betemu kanti lame banyak tebukak cerite lame. Nah kau sekali tu.
Tesengigi kanti Wak Barab kapan mukak kelakar maklum jarang bertemu saling bukak wawasan.
Ape lagi ditambah makan siang tambah aman.
"Wak kite makan dulu lah datang makanan siangnye, payo Wak jangan disia-siake rezeki tu, tak dapat duet tapi dapat makan Alhamdulillah," uji kanti Wak Barab
Kapan nyelek pindang baung sambal asam langsung negmbang rai wak Barab Cs.
"Ao nian kanti, namenye rezeki tu jangan ditolak, laju kepunan kagek tu," uji Wak Uban langsung matike puntung rokok.
Nyaris netes liur Wak Barab nyelek lauk kesenangannye.