PANGKALAN BALAI, HARIANBANYUASINCOM - Nyerah nian wak Barab Cs, kalu betemu urang yang kendaknye dewek, susah nian pecaknye nak diajak baek, ape lagi besak wap. Ai wak ye.
Jangan nian betemu urang mak itu, sisip dikit, bogem mentah melantaknye, maklum susah nian nak diajak bekanti, gerot nian mak die dewek yang benar.
"Memang sare kanti, musuh urang, bagak tu, kapan berbunyi urang katek yang benar, kapan diajak ngomong nyerocos nak benar dewek, omongan urang dak didengar kenye, kapan dibantah omongannye tejelit, mak nak makan urang," cerite Wak Uban.
Tersenge bae Wak Barab nengarnye.
"Yang dak tahan tu gaya nak belagak, begawe dak galak, kapan mintak lokak nak nyegak, besumbar besak, rokok kanti digasak," ujar Wak Barab.
"Dem jangan dilayani, dari pade dapat balak hahahaha," kelakar Wak Barab sambil noleh ke Wak Uban di Warung Cek Leha.
Uji Wak Uban dak usah diagu'i.
"Ape lagi segale nak lemak, melawan dengan umak, duet bini digasak, besumbar besak, diperintah bak dak galak, diomongi nak ngapak, yah nyerah nian aku," kate Wak Uban.